購物車

語言愈複雜難學,腦功能更為強勁
日期:2023-03-31

無論係華人或非華人都往往覺得中文難學難記。有啲人更恨不得要廢除漢字,改為拼音。去到海外,小朋友一般都唔想學中文,正係因為覺得太難。

 

但有冇諗過,用漢字嘅文化稱霸遠東地區,阿拉伯文嘅文化稱霸中東,英文稱霸全球,而呢稱霸世界嘅三種語言,英文、中文、阿拉伯文,都係比其他語言複雜難學嘅?

 

會唔會係語言覺習,改變腦發育,而愈複雜難學就愈會使腦功能更為強勁,醒目?

 

德國Max Plank 人類認知及腦科學機構最近帶大家走近答案。

 

研究人員用核磁共振掃描觀察腦區聯繫路徑,腦部內嘅白質(腦神經有軸鞘包裹嘅纖維)

 

佢哋發覺阿拉伯文為母語者左右大腦聯繫比德語為母語者強,各個語意區域之間聯繫亦比較強。原因可能係阿拉伯語發音同語意過程都相對複雜,阿拉伯文字體亦比較複雜,需要更多視覺處理。

 

而德語為母語者就左腦語言網絡會比較發達,可能因為德語文法複雜。

 

正如你想學好武術,唔咬實牙根,流汗死練一樣,華人幾千年嘅文化優勢係唔係來自要幸辛苦學嘅文字同多種方言,培養出強勁嘅腦神經網絡?